اتصوم عن الحلال وتفطر على الحرام
بجد كلمه لازم نفكر فيها كلنا.. ربنا سبحانه وتعالى خلانا نصوم عن حاجات كتير حلال في حياتنا زي الاكل والشرب وزي حاجات تانيه كتير .. يبقا بالعقل مفروض ان اول ما الادان يادن نفطر عن الحلال اللي كنا ممتنعين عنه
شباب وبنات رجاله وستات اول ما الاذان يقول الله اكبر تلاقيهم محضرين الحرام زي السجاير الي شباب كتييييييييير بيفطروا عليها قبل الماء ولا الخيبه الرمضانيه عفوا الخيمه الرمضانيه اللي اول ما الليل يليل تلاقي كل راجل واخد اسرته وجاري جري عليها طب ازاي ؟ ازاي تبقا صايم اليوم كله عن حاجات حلال واول ما تفطر تفطر على حرام
بجد ناس كتير فاهمين الصيام غلط فاهمين انه امتناع عن الماكل والمشرب . بس لاء يا جماعه الصيام زي ما هو امتناع عن الحلال هو كذلك امتناع عن الحرام طول الشهر الكريم
حاول تعد مع نفسك , حاولي تعدي مع نفسك وترجعوا حسابتكم عشان ميجيش اليوم اللي نندم فيه وساعتها مش حيشفعلنا غير عملنا
الثلاثاء سبتمبر 02, 2008 9:40 pm
